Zoram pum huap YMA General Conference thleng turin Kolasib khawpui chuan kawng hrang hrangin inpuahchahna a kalpui mek.

Nimin khan YMA General Conference Organising Committee chu Pu C.T. Mawia, Fund Raising Committee Chairman & President Sub Hqrs. YMA kaihhruaiin Sub Hqrs. YMA office Diakkawn ah an thu khawm a. Committee peng hrang hrangte hmalakna ngaihthlak a niin chungte chu an saiw zau a ni. October thlaa Conference neih turah hian Committee chuan Zoram pumpui atanga lokal tur mikhual te chu hun tha leh boruak thianghlim tak an hman theih nan theih tawpa tan lak nise an ti a. Rorel inkhawma kal tur hmeichhia ten kekawr hak loh hram nise tiin Committee chuan an rel a. An thurel zingah Kolasib khaw tlawhtute hip thei tur hmunhma te a theih ang anga cheibawl a, thianghlimna lama theihtawpa tan lak nise tih te a tel a. Conference hmanna tur Diakkawn field bulah PHE Department hmalakna in Public Toilet Rs. 1,60,000/- senga siam a ni dawn mek bawk a ni.

Conference thleng tur hian chhungtinte chu tun atanga lo in ruahman a, mikhual thlen dan turah te theih ang anga lo inbuatsaih lawk turin Committee chuan a ngen a ni.