Vawiin khan DC Conference Hall Mamit-ah Dr Lalrozama, District Bawrhsap kaihruainain District Coordination Committee (DCC) thutkhawm a ni.

Meeting-ah hian kum kalta chhunga Mamit District chhung Bank hrang hrangte dinhmun thlirho a ni a. Meeting hnuhnung ber atanga hmasawnna thlirho zui a ni bawk.

Mamit District- a Bank hrang hrang te'n Ni 31.3.2019 thleng, CD ratio hi 45% niin SBI Mamit CD Ratio hi 44.70% a ni. MRB Mamit hi 50.05% a ni bawk a, MCAP, Mamit CD Ratio hi 80.06% a ni bawk.

Bank hrang hrang te'n Central Schemes hrang hrang PMEGP, KCC, NRLM, PMJDY etc kaltlanga Loan an pekchhuah dan dinhmun thlirho a sawizuina neih nghal niin, Bank Security chungchanga duhkhawp loh laite sawizui a ni bawk. Bank hrang hrangte'n hmasawnna tur, duhkhawp loh lai leh hmalak dan turte sawiho zui a ni.

Vawiin Meeting-ah hian Annual Credit Plan (ACP) 2019 - 2020 Mamit District chu District Bawrsap-in a tlangzarh nghal bawk.

Meeting-ah hian Lead Bank Kolasib hotute leh Mamit District chhunga Bank hrang hrang aiawhte an tel a ni.