Mizoram State Women Commission Chairperson Pi Lawmchhungi chuan vawiin khan Khatla-ah a office a luah ta a, Pastor C.Lalsangliana’n Pathian hnena inhlanna a neihsak a ni.

Women Commission Chairperson hna chelh tura sawrkarin mawhphurhna sang tak a pe chu lawmawm a tih thu sawiin Pi lawmchhungi chuan, He Commission hi tum mumal tak neia din leh siam a ni a. A mawhphurhna lamah chuan thuneihna sang tak nei a ni a. Hmeichhia te chunga harsatna chi hrang hrang thleng thin laka a tul ang zela tanpui a hma la tura beisei a ni a ti a. thawihtawpa hna thawh a tum thu a sawi a ni.

He hunah hian Pi Lallianpuii, Director, I&PR Department leh Pi Aileen Vanlalzawni, Joint Director, Social Welfare Department bakah Pu B.Lalhema, MCS (Rtd) ten thu sawina hun an hmang bawk a ni.