Vawiin khan DC Conference Hall, Mamit-ah District Development Coordination Committee (DISHA) Meeting chu an chairman Pu CL Ruala. MP Lok Sabha hovin thutkhawm a ni a. Pu Ronald Sapa Tlau Co- Chairman,  MP Rajya Sabha pawh meeting-ah hian a tel.

Meeting kaihruaitu Pu CL Ruala chuan Mamit District Development Coordination & Monitoring Committee te nen kum 10 chhung lungrual tak leh thawhhona tha tak hnuaia hma an lakna chu lawmawm a tih thu a sawi a, Committee Chairman a nihna anga a hun tawpah memberte chungah lawmthu a sawi a ni. Mizoram chu India rama DISHA hnuaia meeting nei tha ber pathum zinga thlan tel a ni chu a lawmawm hle a, Sorkar officialte chu midangte tana theihtawp an chhuahna chuan midangte laksak theihloh lungawi veng vengna a pek dawn thu a sawi. Bialtu MLA viak tha tak an nei chu a lawmpui thusawiin, a kaihruaina hnuaiah hmasawnna hna hrang hrangte inlungrual taka thawk tlang zel turin committee memberte a sawm a ni.

Pu H. Lalzirliana, MLA 3-Mamit pawhin DISHA Committee Chairman Pu CL Ruala chu akalzelna turah duhsakna hlanin ram leh mipui khawtlang hnasawnna hna a thawhte chu hriatreng a nih dawn thu a sawi a ni.

Vawiin Meeting-ah hian Central Schemes hrang hrang MGNREGS, PMAY(GRAMIN) PMKSY, SBM, NRDWP, DDUJY/IPDS, PMAY(URBAN) PMGSY, BADP, NSAP, ICDS, SSA/MDM, NHM, PMUY, NRLM leh Infrastructure (i) Higway (ii) Telecom hnuaia hmalakna hrang hrangte sawiho niin hmachhawp leh thlen chinte committee ah hian thlirho a ni.

MGNREGS hnuaiah hian Mamit District chhungah Job Card nei mi 20985 awm meka,  ni 80 inhlawhna siam tawh a ni a, MGNREGS hnuaia inhlawhna Bank Account kaltlanga lut chu a dawngtu Account-ah a lut tha em tih beneficiary te enpui ni se tih a ni. PMAY hnuaiah hian mi 78 te tan loan sanctioned tawh a ni a, IWMP/PMKSY hnuaiah 2018-19 chhungin 87% hna thawh zawh tawh a ni. NRDWP hnuaiah Water Supply Schmes New Eden, Dilzawl leh Thaidawrah thawh zawh tawh a ni a, Mualthuam K, Phaizau, Teirei Forest/Hruaitluang leh Khantlang ah te Water Supply Schmes hi siam mek a ni bawk. SBM(Gramin)  ah kum 2018-2019 chhungin Ekin (IHHL) 1544 sak zawh a ni a, Sak mek hi 571 niin avaiin 2115 tuam tum a ni. Mamit District chu Open Defacation Free (Pawnlera inthiar awm lohna) ah ni 27.12.2017 khan puan a lo ni tawh a ni. SLRM ah khaw 18 tuam mek a ni bawk.

MzSRLM hnuaiah Zawlnuam RD Block-ah  Self Help Group target 175 ah 109 tihhlawhtlin tawh a ni a, Reiek RD Block hnuaiah hian SGH 227 din a ni tawh bawk.  NSAP hnuaiah Mamit District chhungah kum upa, Hmeithai leh rualbanlo tanpui lai mi 2437 an awm mek a ni. SSA Mission hnuaiah Free Text Book leh Uniform Academic Year thar atan dawn hman tum a ni a, Mid Day meal tha taka kalpui zel niin Cook hlawh hi December ni 15, 2018 thleng pek tawh a ni. NHM hnuaiah Naupai Sub Centre a in register hi mi 1420 an awm a, Damdawiina nau nei mi 462 awmin inlama nau nei hi mi 336 an la awm a ni. Malaria thisen test mi 723 awmin Malaria vanga thi an awmlo a ni. NTCP ah Tobacco Cessation Clinic pan mi 753 an awm mek bawk.

Meeting-ah hian hmasawnna hna hrang hrang kallai mek bawh zui ngaite sawiho zui nghal a ni.

District Development Co-Ordination & Monitoring Committee te hian Committee Chairman Pu C.L Ruala hi ngaihruaina thilpek an hlan nghal bawk a ni

Vawiin meeting-ah hian Pu H. Lalzirliana, MLA 3-Mamit leh Pu Vanlalngaihsaka, District Bawrhsap, Mamit te an tel bakah District Development Co-ordination & Monitoring Committee memberte an tel tha hle a ni.