Vawiin chawhma dar 11:00 khan D.C. Conference Hall Committee Room, Saiha-ah Pu R.Lalsangluaia, S.D.O. (S) hovin District Disaster Management Committee neih a ni.
He meeting ah hian chhiatna chi hrang hrang lo thleng mai theite ngaihtuaha sawiho a ni a, Pi Marilyn Rualzakhumthangi, A.D.C. (P) leh Nodal Officer, District Disaster Management ni bawk ch uan chhiatrupna lo thlen thulha hmalak dan tur Action Plan chi hrang hrangte chu Projector hmangin member kalkhawmte a entir bakah hrilhfiahna a nei zui nghal zel a, Saiha khawpui chhunga Department hrang hrang chhiatrupna lo thlen pawha hman tangkai theih turte hnenah Action Plan te siama a rang lama thehlut vek tur leh hmanraw tangkai thei an neihte report turin a ngen nghal bawk. Ni 2.12.2009 zan dar 6:00 a Saihatlangkawn Bazarshed a Mock Drill neih dan tur chungchangte pawh sawiho nghal a ni.
He Mock Drill ah hian Lirnghing natak lo thlengin in leh lo leh bungrua tamtak a tihchhiatte entir a ni anga, thi leh hliam sawngbawl dan leh kangmei nasa tak lo chhuak thelhmih dan te entir a ni bawk dawn a ni.
Pi Marilyn Rualzakhumthangi chuan District Disaster Management Document, Saiha C.D. Cassette chu member kalkhawmte a pe bawk a ni.
He Mock Drill ah hian Lirnghing natak lo thlengin in leh lo leh bungrua tamtak a tihchhiatte entir a ni anga, thi leh hliam sawngbawl dan leh kangmei nasa tak lo chhuak thelhmih dan te entir a ni bawk dawn a ni.
Pi Marilyn Rualzakhumthangi chuan District Disaster Management Document, Saiha C.D. Cassette chu member kalkhawmte a pe bawk a ni.
