District Education Committee Mamit chu vawiin khan an chairman Pi Lalbiaksangi, District Bawrhsap hovin an thukhawm a, Pu Joseph Lalhimpuia,Parliamentary Secretary in a telpui.

Pu Joseph Lalhimpuia chuan sorkarin zirna tihhmasawn nan hma lak zel thu sawiin, subject bil zirtirtu pawh lak a nih tawh thu a sawi. Kum 2016 HSLC exam tur selection neih khap a ni chungin kum 2015 khan HSLC pass percentage chu 68.30% niin, kumin ah chuan 71.7% anih thu a sawi a. SSA hnuaiah Grassroot Football Academy 60 hawn a nih dawn thu sawiin, hemi hnuaiah hian naupang 3000 kum thum chhung enkawl an ni ang a ti bawk.

Mamit District-ah tun dinhmun-ah SSA hnuaiah Residential Hostel pahnih;Girls Hostel = 1(50 seats) leh Residential Hostel (boys and girls) =1(100 seats) Mamit-ah a awm a. Kum 2015-2016 chhungin Mid Day Meal sem a ni a, zirlai 17,929 ten an dawng a ni.

District chhungah High School 47 a awm mek a,chung zinga 19 chu Govt.school a ni a, 11 govt.aided leh 11 chu RMSA school a ni. Higher Secondary School 4 awmin chung zinga 2 chu Govt.school a ni.

Scheme thar Pradhe Bharat Bharo Bharat (PBBB) kalpui a nih thu tarlan niin, he scheme hnuaiah hian Cls-I & II te tan zirna in hmun nuam zawk siam a ni dawn tih vawiin meetingah hian tarlan a ni a. Heng bakah hian Vocational Skill Development National Skill Development Corporation hnuaia certificate pekchhuah turin Information Technology leh Health Care ah te High School naupang te pek an ni bawk.

Vawiin meeting-ah hian zirna tihhmasawn nana sorkar hmalakna hrang hrang sawiho niin, khawtlang hruaitute nena tan tlan dan tur te sawiho a ni bawk.