Mizoram Press Accreditation Committee, Pu B. Lalthanliana, Secretary, Information & Public Relations hova nimina thukhawm chuan thu thar thehdarh kawnga thawh hlawk kum 65 aia upa te hnenah Prominent Press Representative nihna hlan tha an ti.

Nimin khan Press Accreditation Committee hi Committee chairman Pu B. Lalthanliana, Secretary, I&PR office chamber-ah an thu khawm a. He hunah hian Mizoram Press Representative Accreditation Rules in a phal anga kum upa kum 65 chin chunglam Journalism lama hlawk taka tha lo thawk thintute hnena chawimawina leh hriatpuina Prominent Press Representative nihna chu remchang hmasa berah hlan nise, hei hi Deptartment changtu Minister in hlan se, tiin an rel a ni.

Nimina Accreditation Committee hian Accreditation dilna Mizoram chhung hmun tin atanga lutte uluk takin an endik a. Amaherawhchu MJA Hqrs. thu thlen Aizawla firm pakhat atanga mi 2 zel accreditation pek theih tih hi firm dinhmun a in an loh avangin a mamawh dan en a tih ni thei se tia Committee a rawtna an thlen chu, Committee chuan ngun taka a ngaihtuah hnuah he an ngenna hi sawrkarah rang taka thlen a, dan siam tha tura hma lak vat nise an ti a. Amendment tih chhuah veleh Accreditation Committee hi an thukhawm leh dawn a ni.