Vawiin chawhnu khan DC Conference Hall-ah Champhai District Election Observer hovin Champhai District chhung Assembly Constituency- 5 a Electoral Roll chungchang thlirhova thutkhawm a ni.
Observer Pu Ranbir Singh kaihhruai a he thutkhawm-ah hian District Election Branch chuan Champhai District chhung A/C 5 ER siamthar ber tarchhuahna (Final Publication) January 15 atan engkim peihfel anih tawh dante, Electoral Roll a thun thar mi 5000 chuang an nih thu leh heng thunthar te EPIC tur pawh National Voters’ Day (January 25) a pek chhuah theih vek tura buatsaih anih bakah kum kalta aia Voters punna chu mi 3000 chuang anih thu tarlangin, Final Roll tarchhuah hunah Champhai District dinhmun dik tak chu hriat theih anih tur thu be thutkhawnvah hian tarlan a ni bawk.
Electoral Roll thar berah hian 21 A/C Lengteng-ah voters 15605, 22 A/C Tuichang-ah voters 14316, 23 A/C Champhai North-ah voters 16047, 25 A/C Champhai South-ah voters 14878 leh 26 A/C East Tuipui-ah voters 13482 te awmin, a vaiin voters 74329 an awm mek a ni.
He thutkhawm-ah hian Champhai DC St DEO Pu Lalthangpuia Sailo, ERO Pu James Lalnunmawia, AERO te, Political party aiawhte leh NGO te bakah thuthar thehdarhtute an tel a ni. Observer Pu Ranbir Singh hian tumthum a rawn telpuina niin, Champhai District chhunga ER inbuatsaihna chu tha a tih thu leh hnathawktute inpek chu fakawm a ti hle.
