Kar leh January 14th (Thawhtanni)- a Kut hnathawktute Ni hman dan tur ngaihtuahin vawiin khan DC Conference Hall-ah meeting neih a ni a. Kut hnathawktute Ni hi chawhma dar 11-ah Diakkawn YMA Hall-ah neih a ni dawn a, he hunah hian District Level Selection Committee-in NLUP beneficiary titha zual pathum a thlan chhuahte hnenah lawmman hlan a ni dawn a. He hun hi bialtu MLA/ Minister Pu PC Zoram Sangliana bakah MLA pahnih Pu Hmingdailova Khiangte leh Pu Lalrinthanga ten an hmanpui dawn a ni.

Kut hnathawktute Ni hmang tur hian NLUP lo dawng tawh leh dawng tura thlan te chu tel vek tura hriattir an ni a, 2nd Phase beneficiary te phei chu a bik taka kal tura beisei an ni. Sawrkar hnathawk Gazetted Officer te, Kohhran hruaitu te, NGO te leh Prominent citizen te pawh kal theuh tura sawm an ni bawk a ni. Vawiina Ni hman dan tura Committee neih hi Pu V. Laldinsanga, SDC (P) chuan a kaihruai a, Line Deptt. hrang hrang hotute leh NGO hruaitute an tel a. Line Deptt. hrang hrangte tihtur mawhphurhnate an siam fel a ni.