NLUP tih hlawhtlinna tur kawnga Mizoram puma a dawngtu, mimal leh khua anga hmang dik leh hmang tha bik endiktu, Member 14 awmna State Level Selection Committee (SLSC) chuan vawiin khan report Chief Minister Pu Lal Thanhawla hnenah an thehlut.

SLSC hian district tin atanga khua leh mimal anga NLUP hmang tha an thlan chhuahte chu SLSC hian endikin, a hmun ngei khua leh mimal hnathawh dante tehfung chi hrang hrang hmangin chipchiar tak leh fet takin an enfiah a. Lawmman dawng tur hian ram pum, State Levela pathumna thleng siam a ni a; heng lawmman te hi khaw ti tha ber (Best Villge) 3, Mimal NLUP dawngtu ti tha ber 3 leh district levela mimal ti tha ber 3, district tinah ‘Kuthnathawktute Ni’ ni 14.1.2013 khian lawmman te hi Aizawl-ah leh district tin capital-ah te sem a ni ang.

Lawmman hian thuziak leh pawisa fai a keng tel dawn a ni. SLSC hi an Chairman Pu Rual Zakhuma, IAS (Rtd) in a ho a ni.