No.2912/2021-2022

Aizawl dated 8th November 2021: Ni 1.01.2022 behchhan a Special Summary Revision of Electoral roll buatsaih nana hman tur, 4-Tuirial (ST) Assembly Constituency Draft Electoral Roll chu Dr.H.Lalthlangliana, District Election Officer chuan vawiin chawhnu khan DC Conference Hall, Kolasibah a tlangzarh.

He hun hi Pu Vanlalchhuanawma Chawngthu, Election Officer-in kaihruaiin Dr.H.Lalthlangliana, DEO chuan Electoral roll siam ?hat hna kalpui dan tlangpui sawi zauna hun a hmang a, Draft Electoral Roll bu hi 4-Tuirial (ST) Assembly constituency ERO-te hnenah hlan niin Political party aiawhte tan lam theih turin ruahman nghal a ni bawk a ni. He hunah hian District Level Standing Committee member-te an tel a ni.

4-Tuirial (ST) AC Draft Electoral Roll-ah voter 17,910 awmin mipa 8,818 leh hmeichhia 9,092 an awm a. Polling Station 26 awmin voter tamna ber Polling Station chu Kawnpui V a ni a, voter 1,238 awmin voter 110 awmna Sethawn chu voter tlemna ber Polling Station a ni.

Special Summary Revision of Electoral roll buatsaihna kalpui mek hian ni 1, January 2022 a Kum 18 tling tur thleng a huam ang a, dilna theh luh hun hi ni 30, November 2021 thleng hawn a ni dawn a ni. Dilna hrang hrangte enfel a nih hnuah Final Publication of Electoral Roll hi ni 15, January 2022-ah tlangzarh tur a ni ang.