No.2911/2021-2022

Aizawl the 8th November, 2021 : Pu Lalrintluanga Sailo, Hon'ble Deputy Govt. Chief Whip, 2-Dampa bialtu MLA ni bawk chuan vawiin khan a bial chhung khaw hrang hrang tlawhin kawng, tui leh eng dinhmun bakah Sorkar hmalakna hrang hrang leh hmachhawpte a enfiah.

Pu Lalrintluanga Sailo hian Chhippui kawng siam mek hna zawh mai tur a ngaih Contractor hnathawh chak loh vanga zawh theih lova awm chu pawi a tih thu sawiin hna zawh vat anih theih nana hmalak zel a nih tur thu leh Contractor pawh a hna chaktaka thawk turin a ngen nghal bawk a ni. Chhippui Kawnmawi khaw thar khaw zauh nana in hmun khawtlang hruaitute'n an theh mekah eng pek luh dan tur sawiho a ni a. A hmuna in a din phawt hunah eng lut tura hmalak nise tih a ni. Bialtu MLA hian Chhippui khaw tan Community Hall sak thuai a ni dawn thu a sawi bawk.

Lallen khua a tlawhna-ah khawtlang hruaitute'n khawtlang mamawh hrang hrang an lo thlente leh Nurse quarter an mamawh dan an sawi chu a theih ang anga hmalakpuia tihhlawhtlinsak ngei a duh thu a sawi. Pradan Mantri Jan Vikas Karyakram (PMJVK) hnuaia a bial chhung khaw hrang hrang volleyball court leh pavillion sak hna thawh thuai a nih tur thu a sawi bawk a ni.

Parvatui panna kawng Km18 PMGSY phase II hnuaia thawh mek chu Sub-contractor, Oasis Builders and Services hotute nen an harsatna leh chak taka he kawng siam zawh a ni theih dan tur sawi ho a ni bawk.

Bialtu MLA hian Saithah leh Phuldungsei khuate tlawh nghalin an harsatna leh khawchhunga hmasawnna hna kal mekte a hmunah a endik nghal a. Tunkar chhung hian a bial chhung khaw hrang hrang Marpara, Pukzing, Hnahva, Silsury leh Bekabekya khuate a tlawh chhunzawm ang.

Pu Lalrintluanga Sailo, Bialtu MLA hi Mamit atangin SE, P&E, EE, PHE, EE, PWD, EE P&E bakah W. Phaileng atangin SDO (Civil) -cum BDO, Sr. SDO, PWD, SDO, P&E & PHE leh Officials dangte'n an tawiawm a ni.