No.23/2021-2022

Dated Serchhip, the 5th April, 2021: Vawiin hian DC Meeting Hall ah District Election Officer Pu Kumar Abhishek, IAS, bawrhsap leh Returning Officer ni bawk chuan Party hrang hrang aiawhte meeting a neih puia, General Observer Pu Lokesh Kumar, IAS in a telpui.

Pu Kumar Abhishek chuan bye election fel fai tak buatsaih a nih theih nan party hrang hrang aiawhte thawhpuiah sawmin, Election Commission of India in inkaihhruaina dan a siam hrang hrangte tha taka zawm tum theuh turin a chah a, thil diklo hmuh leh hriat an neihte a rang thei ang bera hrilh hre thin tura ngenin, action rang taka kan lak theih nan a rang lama inhrilhhriat zel a tha a ni, a ti. Inthlan kaihhnawih forms leh lehkha pawimawh mamawh an neih apiang District Election Office ah an tan a thlawna lak theihin a awm reng tih hrilhin, duhsakna a hlan a ni.

He hunah hian Political Party ten campaign lai te, vote thlak ni te, vote chhiar nitea an tih ngei ngei tur thil pawimawh hrang hrangte chipchiar takin sawi a ni a. Pu Malsawmtluanga, Nodal Officer, MCC & Expenditure Monitoring leh Pu Vanlalhmachhuana, EO ten heng party te lo tih ve tur thil pawimawh hrang hrangte hi an hrilhfiah a ni.

Pu Lokesh Kumar, IAS, General Observer pawhin inthlan vuak veta political party te mawhphurhna pawimawh zual te sawiin, cVIGIL hmang tangkai turin a chah a ni.