2354/2025-2026

Lawngtlai, 24th November, 2025 : Vawiin chawhma dar 11:00 AM khan Pu Donny Lalruatsanga, District Election Officer,(DEO) kaihhruaiin, CYLA hruaitute nen Person on Election Duty (PED) Voting leh Poll Day - a duty- dan tur sawihona DC Office Chamber - ah an nei.

Pu Donny Lalruatsanga chuan CYLA hruaitute chunga lawmthu sawina a nei hmasa a.12th MDC, LADC- inthlanpui 2025 - thianghlim leh felfai taka hmachhawm a nih theih nan CYLA- te nen thawhhona tha tak a awm a pawimawh hle a ti a. Ralmuang leh zalen taka inthlanna awm tura CYLA- ten thawhho tha an ti chu lawmawm tiin, theihtawp chhuahhpui turin a sawm nghal bawk a ni.

Thutkhawmah hian thil pawimawh tak tak sawiho a ni a. Ni 27 November, 2025 ( Thursday ) - a Security leh Driver ten 'Postal Ballot' hmanga Postal Ballot Facilitation Centres, DC Complex - a vote an thlak hunah CYLA atangin mi - 20 duty tir ni se an ti a. Ni 28 November, 2025 (Friday )- a Govt. Region Higher Secondary School, a Polling Personal - Presiding Officers (PRO) leh Polling Officers (POs) ten Postal Ballot hmanga vote an thlakna turah Gate pawn lamah duty tur mi- 20 ruat ni bawk se an ti a ni. Hemi bakah hian 'Poll Day ( Ni 3, December 2025) atan YLA Branch - tin te Polling Area - ah PROs- te nen inrawn tlang a duty turin CYLA hruaituten ruahmanna lo siam se an ti a. A bik takin tlai lamah vote thlak tur an tam thin avaning a theih ang angin, PROs - te puih ni bawk se an ti a ni.

Thutkhawmah hian CYLA hruaitute an tel kim tha hle a, Pu Donny Lalruatsanga chuan lawmthu sawina neiin hun a khar.