No.20/2021-2022

Dated Serchhip, the 5th April, 2021: Vawiin hian Serchhip District Election Officer Pu Kumar Abhishek, IAS chuan Mizoram People’s Forum Serchhip District hruaitute nena bye election neih tur chungchanga inkawmna DC Meeting Hall-ah a buatsaih a, General Observer Pu Lokesh Kumar, IAS chuan a telpui.

Pu Kumar Abhishek chuan, Mizorama hna a thawh chhungin tun bye election hi inthlan tum li a buaipuina a nih tawh thu tarlangin, chung inthlan kalpui tawh zawng zawngah chuan MPF ten tha takin inthlanna buaipuitute a tanpui thin tih a taka a hmuh thu a sawi a. Vawiina bye election kan hmachhawn mekah pawh MPF te thawhpuina kan beiseiin kan sawm che u a ni a ti a. Model code of conduct bawhchhiatna thleng an hriat chuan rang taka hrilh hre thin turin a chah bawk a ni. General Observer Pu Lokesh Kumar, IAS pawhin thusawiin, khua leh tui tupawhin election laia dan bawhchhiatna an hmuhte cVIGIL application hmanga an report reng theih thu a sawi a. MPF hruaitute leh an member zawng zawngte, cVIGIL app hmang uara inhrilh darh turin a ngen a ni.

MPF District hruaituten vawiin thlenga inthlanna fel leh thianghlim a awm theih nana hma an lo lak tawh dan te sawiin, hmalak an tum dan tlangpuite an report ve bawk a. Vote thlak nia mawh an lo lak ve tur hrang hrang te pawh sawi lan niin, chuta duty turte chu training pek hmasak ni se an ti thung a. Pu Kumar Abhishek chuan MPF local tinte chu Poll day a an lo inenkawl ve nan Rs. 500 theuh pek an nih tur thu a sawi bawk.