No.19/2021-2022

Aizawl, 5th April 2021 : April ni 3, Inrinni khan Mizoram Rajya Sabha MP Pu K.Vanlalvena chuan North Delhi huam chhunga Jehangirpuri, Yamuna luikama Pakistan Hindu raltlante camp a tlawh a. An hruaitute kawmin an dinhmun tlangpui te a zawt fiah a ni.

Jehangirpuri Refugee camp ah hian Kum 9 vel kal ta a Pakistan atanga Hindu raltlan chhungkaw 170 vel an khawsa mek a. An vaiin mi 1500 vel an ni a. India sawrkarin heng refugee te awmna tur hian ram acre 4 vel pein chhungkaw tinte tan tawmhulna tur a saksak a ni.

Hindu raltlan te a tlawhna ah hian Pu Vena hi Special Police Force for NE Region, Delhi Police ten an tawiawm a. Raltlan te hian an dinhmun leh harsatna tawh te an lo hrilh a. An hruaitute ngenna angin heng Hindu refugee ten harsatna an lo sawite chu Pu Vena chuan Union Home Minister hnenah a thlen sak tur thu a hrilh a ni.