4136/2023-2024
LUNGLEI, the 12th  March,2024: Vawiin tlai dar 3:00 khan District Election Officer leh Bawrhsap, Lunglei district ni bawk  Pi Ramdinliani, IAS chuan a office chamber-ah kan hma lawka Lok Sabha inthlanpui kan hmachhawn tura mawhphurhna chanvo hrang hrang chelhtu Nodal officer 16  te meeting a neihpui.

Vawiin meeting-ah hian kan hmalawka General Election to the Lok Sabha, 2024 atana Nodal officer ruat te mawhphurhna chanvo hrang hrang te chu  District Election officer chuan tarlangin, Lok Sabha inthlanpui 2024 atana Lunglei district inpuahchah dan leh hma a lo lak tawhna te,hmachhawp hrang hrang an neih te chu Pi T. T. Beikhaizi chuan report pein, boruak muanawm tak hnuaia Inthlanna felfai leh thianghlim tak a awm theih nan huangzau tak leh khunkhan takin hmalakna tur thil hrang hrang te sawi ho a ni. DEO Pi Ramdinliani chuan Lok Sabha Inthlanpui atana Nodal Officer ruat te hi  nikum MLA inthlanpui a Nodal Officer te deuh vek tho kha an la nih a, nikum MLA inthlanpuia tha taka an mawhphurhna theuh te an lo hlen tawh angin, Kumin Lok Sabha inthlanpui pawh boruak muanawm tak hnuaia Inthlanna felfai leh thianghlim tak an neih leh thei ngei a beisei thu sawiin, chutiang atan chuan Nodal Officer te chu theihtawp chhuah theuh tura fuihin, duhsakna a hlan hlawm bawk a ni.

Attachment

  • Loading attachment...