4135/2023-2024

Aizawl, 12.03.2024: Vawiin chawhnu khan Aizawl DC Pi Nazuk Kumar, District Election Officer hovin DC Conference Hall-ah MP Lok Sabha inthlanna lo awm tur atana inpuahchahna kal mekah Party/ Candidate te campaign senso hrang hrang atan rate bituktu Rate Fixation Committee an thukhawm a; a ho bawk hian District Media Certification and Monitoring Committee (MCMC) chu thu pawimawh ngaihtuahin an thukhawm bawk.

Rate Fixation Committee chuan campaign senso hrang hrang awm thei – sound system, thuthleng, poster, banner, flags, ei leh in, lirthei hire na man, advertisement, etc. te chu sawihoin an pawm tlang a. He committee ah hian DC kaihhruaina hnuaiah political party hrang hrang aiawhte telin, Election Officer, Addl. DC, Election Expenditure Monitoring Nodal Officer leh DIPRO Aizawl te an tel a ni.

Aizawl DC hova District MCMC thukhawm chuan MP inthlan a print leh electronic media kaltlanga campaign thlithlai leh endik hna a thawh tur chungchangah MLA inthlan hmachhawn zawh chiah a an tawnhriat te thlirlet in, hmalak zel dan turte sawiho a ni a. Print leh electronic media kaltlanga advertisement rate tur te sawiho a pawm a ni bawk. District MCMC ah hian DC chu Chairman niin, Addl. DC te leh MJA leh CBC aiawhte member an ni a, DIPRO Aizawl chu Member Secretary a ni.

Attachment

  • Loading attachment...