Vawiin khan Mamit District fai bera puan a nih leh Mizoram khawpuite zinga lawmman pathumna a lak lawm dan tur ngaihtuahin Organising Committee Chairman Pu H. Lianzela Addl D.C hovin thutkhawm a ni. 

Meeting hian District-in fai lawmman a lakte chu uar zawk leh kokim taka lawm a nih theihna turin ruahmanna hrang hrang siam a ni a, he ni hi programme chhawng hnih a duan a ni a, kalkhawm mipuite puar leh tlai takin organising committee hian hrai ni se tih a ni bawk. 

He lawmman lak pual hian Mamit khawpui chhunga village council parukte chu faina kawngah inelna neih chhoh ni se tih a ni,  he inelna tur hun chhung hi committee hian ruatin Sikpui leh Thalpui phuah a ni. Heng bakah hian Mamit khawpui chhung kawtchhuah pathumah te Faina thuziak tar ni se tih a ni bawk. 

District fai lawmman lak lawm hun atan hian thla thar ni 10 chu ruat a ni a, he ni hmang tur hian Mamit District Bawrhsap hna lo thawk tawh te,  District chhung BDO, khawpui chhung sawrkar department hrang hrang te, All NGO's,  khawtlang hruaitu, kohhran hrang hrangte leh mipui a duh apiangte tel tura sawm ni se tih a ni.