Vawiin khan SIRD&PR buatsaihin ‘Induction Course for Mizoram Civil Service Officers (2017 Batch)’ training chu SIRD&PR Conference Hall, Durtlang Leitan-ah neih tan a ni a. He training hian 23rd October – 17th November thleng a awh ang. Training hi MCS officer tharte tana buatsaih a ni a, mi 8 an rawn telthei a ni. 

Training hi Course Director, Pu Khuangthansanga Pakhuangte, Sr. Core Faculty (PA) in a kaihhruai a. Chief Guest, Pi Maria C.T. Zuali, MCS, Director, SIRD&PR in training na a rawn kal, officer tharte chu lo lawmin he an training ah hian an hnathawhna tur atana pawimawh tak tak zirtir an ni hlawm  dawn a, he training hi a hlawkpui thei ang bera inzir chhuak vek turin a fuih hlawm nghal a ni. 

MCS Officers, 2017 Batch-te training hi Faculty leh mithiam sawmbikte’n zirtirna leh sawihona an neihpui a. Civil Administration, Village Administration, Political History in Mizoram, Rural Political System, Labour Budget, Gram Sabha leh Social Audit chungchangte zirtir an nih bakah Rural Development Programmes/Schemes/Projects hrang hrang – MGNREGS, NRLM, NERLP, PMKSY-WD, SAGY/VAGY, PMAY (G), PMGSY, SBM, BADP, SPMRM leh RGSA te zirpui an ni bawk.