Vawiin khan Home Minister Pu R.Lalzirliana kaihhruaina hnuaiah Co-ordination Committee on Traffic Management chu a office chamber-ah an thukhawm a; Finance Minister Pu Lalsawta leh UD&PA Minister Pu Zodintluanga ten Home Minister hi an tawiawm bawk a ni. 

Coordination Committee on Traffic Management chuan Home Minister hova meeting an neih hmain tualchhung chanchinbu mite I&PR Auditorium-ah kokhawmin Aizawl traffic tawt lutuk tihziahawm nana an hmalaknate sawipuiin, media leh mipuite ngaihdan an zawt a. Chanchinbu miten traffic dinhmun an hmuh dan leh rawtna an neihte chu Home Minister hova Coordination Committee thutkhawmnaah an sawiho nghal a ni. 

Vawiin Traffic Management Committee meeting-ah an agenda khel hrang hrangte chu :

1. Tuna private leh sorkar motor intlanchhak thlirletna leh kal zel dan tur :

a). Chhitani /Thatni-a motor tlanchhuah chungchang kalpui dan tur.

b). District dang atanga sorkar thil pawimawha duty Aizawl lo tlan theih dan tur chungchang.

c). Rualbanlo ten two/four wheeler exemption an dil chungchang.

d). Lirthei number plate-a Last Digit 1 nei hoten ni 31 leh a tuk thla thar ni 1 awm zawn hi ni 31 bik tlan phal sak chungchang.

e). Chhungkua motor 1 aia tam neite, an motor number Last Digit inang Transport Department-a number thlak/siam sak chungchang. 

2. Garage neilote chunga hmalak dan tur.

a). Aizawl City Bus Owners’ Association-in an rawn dil Local Council ten dah an phalna lai kawng zau laiah leh remchang laia an lo kawhhmuhte Garage anga pawmsak chungchang. 

Vawiina Coordination Committee on Traffic Management-in Agenda an sawiho takte chu hmalak dan tur chiang zawkin Order chhuah a la ni ang a, mipuiten traffic chungchanga sorkar thupek chhuahte ngaihvena theihtawpa thlawp turin an ngen nghal a. Tun October thla chhunga motor number Last Digit ang zela a ni tiamah tlanchhuah phalh loh chu thu dang a awm leh hma loh chu kenkawh zel tur a ni ang tih an rel bawk.