No.7823/2020-2021 

Kolasib dated 17th March 2021: Vawiin chawhnu khan DFDO Conference Hall, Project Veng Kolasibah India hmar chhak state-a sangha khawi tihmasawnna tur hmalakna pakhat, 'Demonstration in Aquaculture for Carp Culture Project 2020-21' hnuaiah District Fisheries Development Office, Kolasib kaltlangin, mi 10 hnenah sangha tha chi, Jayanti Rahu note sem a ni a, Pu Hmingthanzuala, DIPRO, Kolasibin a telpui a ni.


Pi C.Lalparmawii, DFDO Kolasib chuan Jayanti Rahu that biknate, Rohu pangai aia an than chak dan te leh enkawl dan tur inhrilhhriatna hun hmangin he project hnuai a hamthatna dawngte chuan hlawhtlinpui ngei tum a bei turin a chah bawk a ni.


Jayanti Rahu hi ICAR-CIFA (Central Institute of Fresh water Aquaculture), Kausalyaganga, Odisha leh Institute of Aquaculture Research, Norway tangkawp thawh dunna hnuai a siam chhuah a ni a. Tun a Kolasiba sem chhuahte hi Kolkata atang a lo thleng a ni. Kolasib district-a dil hactare 6.5 a zau a sem darh turin sangha note 35,000 chu mi 10 hnenah pek a ni.

Attachment

  • Loading attachment...