No.7822/2020-2021 

Dated Tlabung, the 17th March, 2021: Bangladesh President hlui leh 'Father of the Nation' tiha koh Sheikh Mujibur Rahman piancham kum 101-na puala Border Security Force(BSF) ten India leh Bangladesh inunauna leh inthian that na bakah ramri a awm te tan a security chungchang hriattirna te leh ramri kaltlanga a ruk a damdawi leh ruihhlo dang tawlhruk a that loh zia inzirtir nan a an buatsaih Maitri Cycle rally chu vawiin khan Border Out Post (BoP) Silkur-ah ropui taka khar a ni.

He cycle rally hi 10th January 2021 khan BoP Panitar, 153 BSF Bn South Bengal Frontier 24 North Pargana District atanga vailiam(flag-off) a ni a, BSF sipai 23 thlanchhuah ten 4097 Km a thui tlanin West Bengal atanga lo tlan tanin Assam,Meghalaya,Tripura leh Mizoram an paltlang a, dt 17/3/2021 ah 60 Bn BSF awmna Indo-Bangla Border,Lunglei District khawthlang lam Kawrpuichhuah-ah hun kharna hman a ni ta a ni.

He hun hmang tura Bangladesh atanga lo kal Border Guard Bangladesh (BGB) hotu Md Zakir Hossain, Additional Director General,South East Region, Chattogram chuan India sorkar leh BSF ten an Father of the Nation an tih Sheikh Mujibur Rahman pianchan kum 101-na pual a India in hetiang a hun a hman sak chu lawmawm a tih thu sawiin hei hian ram pahnih te inunauna leh thian thatna thlen se a duh tih a sawi.

He hunah hian Pu Rakesh Asthana IPS DG BSF chuan India leh Bangladesh hi culture leh tualzal nun danah pawh inhnaih tak kan ni  tiin India leh Bangladesh inthianthatna hi chhawm nung zel ila, ram pahnih te in unauna hi ram dangte tan pawh entawn tlak a ni. Maitri Cycle Rally hlawhtling taka zo fel ta Cyclist te chungah lawmthu sawiin Border Guard Bangladesh (BGB) te chungah te, Mizoram sorkar leh he hun hmangtu zawng zawng te chungah lawmthu a sawi.

Pu Rakesh Asthana IPS DG BSF, Pu Pankaj Kumar Singh IPS Addl DG Hgtr DG Hqtr Bn BSF Eastern Command, Pu DK Boora IG Hqtr Mizoram & Cachar Frontier IPS bakah Pu SBK Singh, DGP Mizoram, Pu Neihchungnunga DIG SR, Lunglei DC Kulothungan A, Lunglei SP Pu Rex Zarzoliana Vanchhawng leh MJA  Lunglei member te telin Bangladesh atang hian Zakir Hossain Addl DG BGB leh Sipai official  dang te an lo kal a, cultural dance te entur awmin Cyclist te hi Bangladesh Sorkar chuan thil pek an hlan a ni.