Mizoram Apex Handloom and Handicraft Cooperative Society Ltd (MAHCO) chuan Dt 7-9 October, 2013 hian Lawngtlai District mipuite tan Handloom Fair an nei dawn.

Pu. R. Vanmawia, Managing Director, MAHCO thuchhuahin a tar lan danin, ni 7 atanga ni 9 inkar chhung awh turin MAHCO chuan Lawngtlai Press Club-ah Handloom Fair an buatsaih dawna, he hunah hian Mizoram hmun hrang hranga puan tahtu ten an thil dehchhuah chi hrang hrangte chu man man takin an zuar chhuak dawn a ni.

Lawngtlai District huam chhunga mipuite chu he Fair tlawh ve ngei tur leh kan hnam zia phochhuak thei puan tha tak tak tlawm zawka lei theihna hun tha chu hmang tangkai turin a ngen a ni. Thuchhuahin a tar tan danin he hun hi 7th October zing dar 11 ah Lawngtlai Press Club-ah a hawnna inkhawm neih a ni anga, Pu R. Lalsangluaia, MCS, Addl DC, Lawngtlai chu Khuallian niin, Pu K. Saitluanga, MIS, IPRO, Lawngtlai District chu khualzahawm a ni ang.