No.1480/2021-2022

Mamit 20th July, 2021 : Medical Superintendent, District Hospital, Mamit in thuchhuah a siam angin Vanduaithlak takin District Hospital, Mamit-a kan Doctor pakhat chu nizan khan a awmdanah inrinhlelhna a neih avangin RAgt test hmangin Covid-19 Positive a ni tih hriatchhuah a ni a.

A primary high risk contact zingah doctor 4 leh staff 2/3 vel an lo tel avangin heng staff-te hi alo berah kar 1-2 tal quarantine lailawk an ngai dawn a, hetih hun chhung hian heng OPD/Procedure te hi khar rih a ni ang.

1. Medicine 2) General/Endoscope 3) Surgery 4) Paediatrics 5) Obst & Gynaecology

Heng thil thleng avang hian hospital chu inthen thianghlim leh fimkhur thu hla-ah contact tracing neih a ngaih dawn avangin vawiin ni 20/7/2021 atanga ni 3 chhung lockdown a ngai dawn a ni tih hreh tak chungin mipuite an hriattir a ni. Hemi chhung hian Emergency erawh a ngaiin kalpui a ni anga, damlo na zual bak sorkar dan dinglai angin in lamah tawmim turin an ngen a ni.

Tin, kan doctor positive ta hi staff-te zingah chuan a fimkhur berte zinga mi a nih bakah midangte pawh mask vuah tha tura fuihtu ber anih avangin a positive pawh hi amakin a pawi hle a ni. A in vawn fimkhur thiam avanga primary high risk contact kan tam lo hlauh erawh a vanneihthlak hle a ni.

Kan zavaia damna leh result tha kan neih theuh theih nan tawngtaipuina leh mipuite hriatthiamna Medical Superintendent, District Hospital, Mamit chuan min ngen a ni.