987/2022-2023

Kolasib dated 21st June 2022: Vawiin chawhnu khan Kolasib Sports Stadium, Project vengah Kolasib District Football Association buatsaihin KDFA team leh Mizoram Professional Footballers Association team-te an inkhel a. Inkhelh țanna hun hi Pu Laltlanmawia, President, KKDFA-in kaihruaiin Pu John LT Sanga, Deputy Commissioner chu khuallian a ni a. He inkhelna ațanga sum tlingkhawm Cheng 50,550 chu District Hospital, Kolasib-te hnenah hlan nghal a ni.


Pu John LT Sanga, Deputy Commissioner chuan mizo țhalaite chu hnam dang infiammite ang bawkin theihna leh thiamna an neih thu sawiin heng an theihnate tipung a, hlawhtlin nana hmang tur chuan insum theihna leh mahni inthunun theihna neih a pawimawh thu a sawi a. Midangte tan a luangchhuak tur a Kolasib District Football Association-ina Charity Football Match an buatsaih chu entawntlak a tih thu a sawi. Infiamna chu inluangrualna leh inlaichinna țha zawk siam nana hmang turin leh Mizo țhalaite tan a Football tihhmasawn nana hmang turin Deputy Commissioner chuan kalkhawmte a chah bawk a ni.

Pu Jeje Lalpekhlua, MPFA pawhin thusawiin midangte tan a luan chhuah leh Football-a mizo țhalaite tihhmasawn chu MPFA thil tum ber a nih thu a tarlang a. Pu Tuikhuahthlanga, Treasurer, MFA leh Pu Lalliansanga, Honorary Secretary, KDFA te pawhin thu sawina hun an hmang bawk a ni.

Attachment

  • Loading attachment...