No.6623/2020-2021

Dated Champhai, the 20th November, 2020: Vawiin chawhnu khan District Legal Services Authority (DLSA) Champhai buatsaihin District Jail Champhaiah Legal Awareness Campaign buatsaih a ni. He hun hi Pi Maria C.T Zuali Champhai District Bawrhsap chuan a telpui a ni.

Pi Maria C.T Zuali chuan mihringte chu thil sual ti thei vek kan nih thu sawiin, duh thu reng vang pawh ni lova thil sual tih pawh a awm theia, amaherawhchu inchhirna leh simna thinlung kan neih angai ani, a ti. Jail chu inhremna hmun  niloin insiamthatna hmun ani a, Jail tang te’n Jail tan awmzia hriaa insiamthatna atana an hman thiam ngai a ni, a ti a. Thil sual an lo tih  tawh thinte bansana nunphung pangngai zawh tum tawh turin a chah a. Jail an chhuahsan hnuah pawh nunphung pangai tak zawha ram leh hnam tana chhawrnahawm tak nih tum turin a chah nghal bawk a ni.

Pi Lalrochami Ralte, CJM & Member Secretary, District Legal Services Authority chuan   Supreme Court leh High Court duhdanin  Jail tangte himna turin biakhlat theihna hmanga Court neih thin anih thu a sawi a. Jail Superintendent leh a thawhpuite  zarah Covid-19 laka hmalakna tha tak neih ani chu lawmawm  a tih thu sawiin,   harsatna an neihte a hnena thlen hreh lo turin a chah a. Covid-19 in legal services kaltlanga tanpuina pek thinte  a nghawng thu sawiin, a thlawna Ukil rawihsak thinte pawh  tawpsan rih a ni a, hotuten hma an lak zel thu sawiin dawhthei taka nghak turin a ngen a. Biakhlattheihna hmanga Court neih anih avangin chargesheet in pek kawngah harsatna awm thei mahse   DLSA hmalaknain Jail ah kar tin pek thin a ni, a ti a. Champhai in POCSO Court thar a neih dawn thu sawiin, Bawrhsap hmalaknain Court hmun tur tihfel a ni tawha, hei hian POCSO mai bakah Case dangte chak zawka chinfel kawngah  kawngro thui takin a su thei dawn  a ni, a ti bawk. 

He hun hi Pi R.Lalnunkimi, Jail Superintendent chuan a kaihruai a. Pu R. Lalmalsawma, Jailer hnen atangin report ngaihthlak  ni a. Tun  dinhmunah   Jail tang mi 136 thleng awm theihna  District Jail Champhaiah Jail tang mi 100 an awm mek a ni. Jail tangte hman tur Mask, Hand Sanitiser leh eiturte DLSA Champhai hminga pek a ni a. Hun hman zawhah  Bawrhsap hovin  Jail dinhmunte fanga  enfiah nghal a ni.