No.6624/2020-2021

Dated Champhai, the 20th November, 2020:   District Court Champhai thupek bawhzuiin vawiin chawhnu khan dan lova Vawk phurh man 3 te chu AH & Vety. Complex Champhaiah kahhluma phum fel an ni.

Heng  Vawkte te hi  Langmanga (48) S/o Liankhawtina, Sesih, Champhai District-in a dan lova Myanmar atanga Vawk a lakluh 11 zinga 3 te an ni a, Vawk hri hlauhawm Classical Swine Fever (CSF) leh Porcine Reproductive and Respiratory Syndrome (PRRS) an vei tih hmuhchhuah anih vanga tihral an ni.  Vawkte dang 8 te pawh  chawlhkar hnih (2 weeks) hnuah enfiah leh tura kawlrih an ni.

AH & Vety. Department Champhai chuan District Magistrate-in  ram dang leh state dang atanga Vawk, vawksa leh vawksa atanga siam reng rengte Champhai district-a lakluh khapna leh Champhai district chhung khawi khuaah mah Vawk, vawksa leh vawksa atanga siam reng rengte lakluh leh phurhchhuah khapna thupek a  chhuah chu ngaipawimawha zawm  turin Champhai district mipuite a ngen a ni.