No.6625/2020-2021

20. Nov. 2020: Vawiin khan Zokhawsang Assam Rifles hmuna hnathawh kal mek chu a hmunah Addl. Chief Secretary Pu JC Ramthanga hovin Mizoram sawrkar department hotulu dangte nen uluk takin enfiah a ni.

Vawiin hian staff quarters te, officers mess, by-pass road siam tur leh retaining wall siam leh a dangte enfiah a ni a. Hmabak la awm te a hma thei ang ber a zawh a nih theih nan leh hna tha leh belhchian dawl thawk turin thawktu EPIL leh Satyam Construction aiawhte chu hriattir an ni. 

Zokhawsangah hian Aizawl khawpui chhunga tuna an awm mekna atangin sipai engemawzat an insuanlut tawh a. COVID-19 hrileng avangin building thenkhatte hi quarantine na tur atan a bik a hman nih avangin tum anga chak in la insuan luh theihloh thu Assam Rifles hotute chuan an sawi a. Chutihrual chuan a sak hna thawktu ten chak zawka an thawh chuan heng harsatna hi chu sutkian thuai a nih thu sawiin, tuna la sak zawh loh tlem la awm pawh luah luh thuai theih a nih theihtawp chhuah tura hriattir an ni.

Home Department Secretary Pi Lalbiaksangi leh officer dangte, PWD atangin Chief Engineer Er. J. Zothanpuia leh thawktu dangte bakah Land Revenue & Settlement hotute vawiin site inspection ah hian an tel a ni.