3992/2023-2024

Dated Serchhip, the 28th February, 2024: Vawiin khan District Legal Sevices Authority (DLSA) bultumin Krishi Vigyan Kedra (KVK) Serchhip District N.Vanlaiphai a mithiamte nen Serchhip District Jail, Chhiahtlang a”Skill Development Training” hawnna inkhawm tawi hi District Legal Services Authority (DLSA) Secretary, Pi Josangzeli Tlau in kaihruaiin, he “Skill Development Training” hi Serchhip District Chief Judicial Magistrate (CJM) Pu R. Malsawmdawngzuala chuan a hawng a ni.

He Training hun khatnaaah hian Dr T.Vanlalngurzauva,Sr.Scientist &Head,KVK ,N.Vanlaiphai chuan KVK nihphung leh an hnathawh dan tlangpuite sawiin, Dr.C.Lalremruata , Animal Science a Subject Matter Specialist(SMS) chuan ‘Skill Development Awareness under Veterinary Science’ tih thupui hmangin Vawk, Ar leh kel hlawkzawk leh awmze nei zawka vulh dante Inmates te chu zirtirna pe in, Kenny Zohmingliana SMS (Agronomy)KVK N.Vanlaiphai hnen atangin ‘Job Opportunities Agriculture and Allied Science ‘ tih thupui hmangin awmze nei zawk leh hlawk zawka Thlai chin leh thar dan a zirtir bawk.

Vawiina Serchhip District Jail a “Skill Development Training Programme” hun hnihnaah hian K. Lalmalsawmi SMS (Home Science) chuan Sahbawn tui siamdan (Entrepreneurial Development Through Soap Making) a taka zirtirna hun a hman bakah Jeffrey Lalhmingmuana Programme Assistant in Pa khawi dan (Entrepreneurial Development through Mushroom Training) a takin zirtirna a pe bawk a ni.

Vawiin a Serchhip District Jail a Skill Development Training hi inmates ten Jail an chhuahsan hunah pah kutthemthiamna thil (Skills) nei chunga an hmalam hun an hman chhoh zel theihna tura ruahman a ni.