1085/2025-2026

Siaha the 8th July 2025: District Level AADHAAR Monitoring Committee (DLAMC), Siaha-te chuan vawiin khan an Chairman Pu VL Hruaizela Khiangte, District Bawrhsap ni bawk hovin DC Mini Conference Hall, Siaha-ah an thukhawm.

He thutkhawmah hian Pi Purabi Das, Project Manager, UIDAI Mizoram chuan video conference hmangin tul leh pawimawhte a sawi a, Mizoram chhunga AADHAAR enrolment zat chu za a 93 a nih thu te, AADHAAR application dawn tawh zat te, pending la awm zat te tarlangin a khawihtute chu a rang lama chinfel tum turin a ngen. Universal Client - AADHAAR chungchanga single platform ruahman thar hman a nih tawh dawn thu te, Naupang kum 5 leh 15 tling chin te Mandatory Biometric Update (MBU) tih a tul thu te, Siaha ah MBU tih ngai naupang 10,973 an la awm thu te leh Birth Registration Based AADHAAR Enrolment chungchangte a tarlang a ni. Pi Purabi Das chuan AADHAAR a inziahlun Runpui (Special Enrolment Camps) te buatsaih thin nise tiin rawtna a siam a, Hnuchham inah te, Jail ah te, old age home ah te leh seminar / festival/ expo ah te buatsaih thin turin a ngen a ni.

Video Conference hmanga thurel zawh hnu hian conference hall-ah thutkhawm chhunzawm zui a ni a, Siaha District-ah In House model a AADHAAR Operator 2 chauh an awm thu te tarlan niin Aadhaar enrolment ti thin Education Department-te leh Social Welfare Department te chu tan la chhunzawm zel tura sawm leh hriattir an ni.

He thutkhawmah hian DLAMC Chairman Pu VL Hruaizela Khiangte, Addl DC Pu Abraham Beirazi Khithie, Addl SP Pu Beimosia Lapi, SDO (S) Pu Vanlalchhuanliana, DLAMC Secretary ni bawk te bakah SDC, DCSO, Sr CMO, Lead Bank Office aiawh, Education office aiawh, Social Welfare aiawhte leh Sub Post Master Siaha aiawhte an kalkhawm a ni.