1084/2025-2026

Dated Kolasib the 7th July , 2025: Vawiin khan District Disaster management committee , Kolasib chu an Chairman Pu Robert C Lalhmangaiha, Kolasib DC hovin sawmbik mi thenkhatte nen an thukhawm a. He thutkhawmna ahhian Kawnpui ataga Durtlang penna kawng min avanga harsatna awm te leh hmalak dantur te an sawi ho a ni.

Thutkhawmna ahhian Kolasib DC chuan tun hnai ruahsur avanga Kolasib District hmun hrang hranga inkalpawhna harsatna awm thin chu a pawi a tih thu sawiin, a bik takin Durtlang penna a retaining wall chim in kawngpui a lak hek chu ngaihtuahna sen hmasak ngai a ni, a ti a. Hemi chungchangah hian kalkhawmte chu an ngaihdan te sawia , a tul anga hma la ho turin a sawm a ni.

Tun hnai ruahsur khan NH 06, Durtlang atanga pawhtu chu Kawnpui atanga pen thlak tan tirh naah retaining wall chim avangin a min a. He leimin hi a silpolin a khuh niin, a chhehvel te thawmthat a ni a. Amaherawhchu lirthei tlan tamna hmun a nih avangin daih rei leh tlo zawka thawm that tura hmalak dan tur sawiho a ni a. Kalkhawmten uluk taka an sawiho hnu in, hemi peng piah lawk a Darnam peng chu Four lane kawngpui in a la tihchhiat dawn tho avang leh a laih hun chhung a duh rei dawn avangin Durtlang peng a kawng min chu a min belh zel loh nan chak taka hmalak nise tiin an rel a. Hemi chungchangah hian naktuk, July 7, 2025 hian Jt Verification; SDO(C) Kawnpui, Police, PWD ,Project Pushpak engineer te, Kawnpui leh Zanlawn leh Serkhan VCP te leh mi pawimawh dangte nen en ho ni se tiin an rel a ni.

Vawiin thutkhawmnaah hian Kolasib DC bakah , Pi B Malsawmtluangi (ADC), Pu Lalmuan puia (PD,DRDO) , leh Kolasib a Addl SP, Sr CMO, Sr EE (PWD), Sr EE (PHE),  SDO (C) Kawnpui, AE(Project Pushpak), Chairman Jt VC Kawnpui leh Khamrang VCP te leh sawmbik mi pawimawh dangte an tel a ni.