Vawiin chawhma Dar 11:30 am khan Serchhip District Level  Border Area Development  Programme (BADP) Committee   chu an Chairman  leh District Bawrhsap ni bawk Pi Sangchhin Chinzah hovin an thukhawm a, BADP atanga ramri dep awm te chawikanna  tur  sawrkar laipui leh  State sawrkar atanga sum lokal te hmadan tur thlir hovin  ruahmanna te chu an pawm a ni.

Vawiin a District Bawrhsap  hova  Serchhip District Level  BADP Committee  ah hian Serchhip District  a ramri dep a awm E.Lungdar RD Block chhunga Lungkawlh leh Sailulak khawtlang hmasawnna  tur  ruahmanna te chu chipchiar taka thlir ho a ni a. He programme in a thiltum leh a kalpui dan tur ruahmanna awmsa te hmangin hnathawh tur chi hrang hrang te chu thlir ho in a ni. A hmanna tur langsar zual te chu; Zirna in thuam that te, Vantlang punkhawmna (Community Centre) leh  Vantlang Inthiarna (Community Toilet) siamna tur te,  heng khaw pawhtu kawngpui cheithatna leh thil pawimawh dangte thawh a ni ang a.  Heng thawhna atan hian budget Rs 251Lakhs chu pawm nghal a ni bawk.