Vawiin chawhnu khan Khadi And Village Industries Commission, Ministry Of Micro, Small and Medium Enterprise Gov't Of India, Aizawl buatsaih in District Industries Centre Hall Lunglei ah District Banker's Meet On PMEGP neih ani. Lunglei Bawrhsap Pu Abhijit Vijay Chaudhuri IAS chu Khuallian ni in Pi R.Lalrodingi, Manager DIC Lunglei in a kaihruai ani.
Khuallian chuan thusawi in Banker's Meet a khuallian tura sawm anih avangin lawmthu a sawi a. Ministry Of Micro, Small and Medium enterprise chuan Prime Minister's Employment Generation Programme (PMEGP) chu Dt 18th August 2008 ah a duang a, Thalai ten Industry tenau hmang a eizawnna adin theih nan thingtlang leh khawpui mi te tan an tih ani a. He Scheme hi rampum huap ah chuan Khadi and Village Industries Commission (KVIC) chu Nadal agency ani a. State ah chuan Directorate KVIC Board leh District Industry Centre leh Bank te chu Nodal agency an ni a.
District Level Task Force Committee in a PMEGP loan Department kaltlang a la thei tura thlante chu Bank tin ten target tipuitling theuh turin a ngen ani. PMEGP hi kan Ram innghahna ani ati bawk.
Pi Rualkhumi, Director, KVIC pawhin thu sawiin Mizoram hi PMEGP ah Northeast ah hma la hmasaber kan ni a, Ministry of Micro, Small and Medium enterprise atangin margin money tur 2015-2016 atan vaibelchhe sawm hmuh ani a, tunah vaibelchhe li chauh hman ani ati. hemi avang hian kan target kan hman zawh loh chuan target ti tha State Tripura leh Assam te hnen ah pek then a ngai ang ati. Chuvangin Bank te tanpuina lo chuan kan thalai te dinchhuah a har dawn ani, Bank te pawhin PMEGP loan la turte unit din dan uluk tak a en a loan rul tha turte hnen ah loan pe teuh turin Bank te a chah. Loan pek te margin money ah buaina a awm lovang ati.
Pu James LH Pachuau, Chief Manager, Lead Bank pawh in thu sawiin PMEGP hi Central Sawrkar in a din atangin hmalak ani a, PMEGP ah hian Agency pahnih ten thawh ho na tha kan neih angai ani ati. Kan thawh hona a that loh chuan he Scheme hi a hlawhchham ang a ti. He Scheme a hlawhtlin natur ber chu a ti tha turte hnen a Loan pek ani ati. amaherawhchu Bank in a harsatna a tawh ber chu Loan an rulh that loh vang ani ati bawk.
DIC hnuai a kum 2015-2016 PMEGP Target 20 ah mi 68 thlan an ni a, mi 36 te hnen ah nuai 96 sunction ani. KVI hnuai ah 2015-2016 PMEGP Target 24 ah mi 76 thlan ni in mi 13 hnen ah nuai 11.55 sunction ani.
He Banker's Meet ah hian Lead Bank, State Bank Of India, Mizoram Co-Operative Rural Bank, Apex Bank, Axis Bank, HDFC, IDBI leh Syndicate Bank te an tel ani.
