Vawiin khan Heritage Centre Venglai Lunglei ah District Level Child Death Review Sensitization Workshop neih a ni.
He Workshop hi Dr.Lalawmpuia, Senior Medical Officer, Lunglei in kaihruai in Dr.VLMS Dawngliana, Chief Medical Officer, Lunglei in hawnna thu sawi in Infant Mortality Rate(IMR) Nau piang kum 1 hnuai lam thihna tih hniam hi National health Mission thil tum zing a pawimawh tak a ni a. Tun dinhmun ah Lunglei District ah tehfung IMR hi hniam zawk mahsela, he IMR leh kum 5 hnuai lam naupang thihna tihniam zel tur chuan kan kalphung ah nasa lehzual a hma kan sawn a ngai a, hemi kawng a inzirtirna leh in hrilh hriatna kan nei thei hi Lunglei District tan hmasawnna ropui tak a ni a ti. Lunglei District hi Mizoram District pali(4) zing a naupang thi tamna high priority District ah kan awm a. Naupang thihna hi khawpui ah chuan a tlem a, hmun kilkhawr ah a tam a heng thihna te hi engvang a thi nge an ni tih finfiah a eng natna nge, enge a tlakchham tih kan hmuhchhuah hian rah tha tak kan hmuchhuak dawn a ni a ti. Medical mithiam te, NGO’S te leh Line Department ten en a kan tan ho chuan kumin chhung in HPD atang hian kan zuanchhuah theih ngei ka ring tlat a ni a ti bawk.
Dr.Lalawmpuia, SMO chuan Workshop neih chhan sawifiah in, naupang thihna tih tlem hi Health & Family welfare Department tum ber a ni a, Medical mithiam te, NGO’S leh Line department ten nen a thawhhona tha neih a ngaih thu a sawi. Nu nau pai ten doctor te rawnna chang hria a damdawi lam a mithiam te finfiah ngei damdawi ei tum theuh turin a duh. Harsatna hrang hrang kan inhriatsak a inpuih tawn hian rah duhawm tak a chhuah a ring a ni.
Dr.C.Lalnunsangi, Paediatrician in kum 2015-2016 ah naupang thi 79 awm in, 2016-2017 ah naupang thi 49 an awm ani tiin a tarlang.
He workshop ah hian Lunglei District chhung a Sub Divisional Hospital, PHC atang in Medical Officer te, Community Health Officer, Health Superviser, Private Hospital, ICDS, YMA, MHIP, BKHP leh MJA te an tel a ni. Zawhna leh chhanna hun hman a ni bawk.
