Vawiin khan Social Welfare Department (SWD) leh Mizoral State Legal Services Authority (MSLSA) te bultumin, Service Providers te tan Legal Issues chungchanga inzirtirna leh hriattur awmte inhrilhhriatna hun,  Social Welfare Conference Hall, Laipuitlang-ah neih a ni. 

He hunah hian Pu H.Vanlalhluta, Co-ordinator, MSLSA hnen atangin National Legal Services Authority (NLSA) hnuaia Schemes te ngaihthlaka zir hona neih a ni a. Social Welfare Department hnuaia hmalakna hrang hrang-ah te dan ang taka hnathawh anih theihna atan inzirtirna hun hman niin, dan leh hrai chungchanga zawhna awmte zawhna leh chhanna hun neih a ni a. Social Welfare Department leh Mizoram State Legal Services Authority- te chuan dan ang taka hnathawh anih theih nan leh  mitin ten an dikna chanvo an hmuh ngei theih nan thawh ho zel an tum a ni. 

Meeting hi Dr Lalnunthara, Director Social Welfare Department chuan a kaihruai a. Meetin- ah hian Pu Joel Joseph Denga, Member Secretary, Mizoram Legal Services Authority (MSLSA), SWD-a hotute leh Service Providers hrang hrang – Mizoram Social Defence and Rehabilitation, Protective Home, Special Home, State Child Protection Society, State Adoption Resources Agency, NGO’s, Spastic Society, Zoram Entu Pawl, Samaritan Society for the Blind, FIWDC & Differently Abled Society-a thawktute an tel kim hle a ni.