No.4709/2020-2021

Mamit 3rd Sept, 2020 : Nimin khan DC Conference Hall, Mamit-ah Dr. Lalrozama, IAS, Chairman, DLCC/District Bawrhsap hovin Fostering Climate Resilient Upland Farming System (FOCUS) hnuaia District Level Co-Ordination Committee thutkhawm a ni.

Meeting-ah hian FOCUS hnuaia hnathawh tur hrang hrang DRDA leh Line Department hrang hrangte nena thawhho dan tur thlirho a ni a. Block Level atanga Plan leh Proposal siam nise tih niin hmalakna hmasa atan hian Mamit District chhunga BDO tinte Chairman-na hnuaiah Block Level Co-Ordination Committee din nise tih a ni. MGNREGS -a Annual Work Plan October leh November thlaa siam turah pawh hian convergence awm thei ang angte chu telh nghal nise tih a ni.

Meeting hian kumin kum kal mekah Mamit District chhunga Farm Link Road 29 km. Chhungkaw 318 leh Beneficiaries 1561 te'n an chhawr tangkai tur siam a nih dawn thu tarlan a ni a. Heng kawng siamna-ah hian tul bik thilah Culvert leh Retaining Wall siam ngai a awm nih chuan MGNREGS hnuaia Materials Components atanga thawh tura rel a ni.

Nimin Meeting-ah hian Innovation Fund chungchang sawi niin FOCUS Project a lo hlawhtlin theih nan hian he Innovation fund hnuaiah hian 70% FOCUS Project atangin tanpuina dawn theih niin 30% erawh a dawngtute'n an tum a ngai dawn a ni. Innovation Fund hnuaia tanpuina dil theitute chu tualchhung thil tharchhuaktute leh Bazar Association, Tualchhunga thlaithartute leh siamchhuaktu intelkhawm pawl, Tualchhung Thalai intelkhawm Pawl, Tualchhung thil tharchhuah kawnga Cooperative Society, abika sumdawnna kalpuitute leh Marketing Agencies, abik taka tunlai thiamthil hmanga Service pe chhuak theite, Self Help Group, Farmers Producers Organisations leh NGO-te'n an dawn theih dawn thu Meeting-ah hian tarlan a ni a, hrechiang duh tan DAO, Office Mamit-ah zawhfiah theih a ni ang.

Meeting hian Farmers Interest Group (FIG) chu a tam thei ang ber din nise a ti a. FIG-ah hian Group khatah mi 20 an awm thei a, khawkhatah FIG pakhat aia tam pawh din theih a nih thu tarlan a ni bawk.

Meeting-ah hian Project Management Unit, State Level atangin Pi Hmangaihzuali, Deputy Director, Horticulture, Pi Rosy Lalmuansangi Hmar, Deputy Director, LR,S&WC, Pu Ricky Malsawmtluanga, Support to CSS Operation bakah PD, DRDA, Mamit District chhunga BDO te, DAO, District Officer, LR,S&WC, DVO, SDHO aiawhte, Joint V/C Chairman leh FOCUS Officials-te an tel a ni.