No.2634/2021-2022
Aizawl the 18th October, 2021 : Vawiin khan India ram zalenna Kum 75-lo thleng tur lawmna ‘Azadi Ka Amrit Mahotsav’ (AKAM) kalzel-ah Aizawl Bawrhsap Dr. Lalhriatzuali Ralte, IAS hovin District Level Committee chu Planning and Programme Implementation Department Conference Hall-ah an thu khawm.

He thutkhawmna-ah hian Department hrang hrang ten ‘Azadi Ka Amrit Mahotsav’ denchhena hma an lak tawhna hrang hrangte tarlan leh sawi ho a nih bakah Department hrang hrang ten thawhho theihna an neih te sawiin, an hmachhawp te ziakin October thla chhungin District Level Committee Chairman Aizawl Bawrhsap hnenah thehluh ni se, tih an rem ti a.

Chairman Dr. Lalhriatzuali Ralte chuan India ram zalenna kum 75 lo thleng tur atana kan inbuatsaihna-ah department hrang hrangte thawhhona leh tanrualna a pawimawh tih tarlangin, nakum Independence day thlenga Azadi Ka Amrit Mahotsav hi kalpui tura rel a nih angin hmathar lakna kawngah thurawn pe zel turin kalkhawm te a ngen a ni.