No.5592/2020-2021

Mamit 30th September, 2020 : Vawiin khan DC Conference Hall, Mamit- ah District Level Committee on Cleanliness Competition and Cleanliness with 2020 chu an Chairman Dr. Lalrozama, IAS, District Bawrhsap hovin Mizoram Cleanliness Competition leh Cleanliness Week 2020 hman dan tur ngaihtuahin thutkhawm a ni.

Vawiin thutkhawmah hian Cleanliness Week (2nd - 9th Oct) 2020 Opening Function chu 2nd October zing lam dar 8:00 ah Mamit DC Office Complex- ah hman nise tih a ni a, Mamit District Bawrhsap chuan Khuallian niin Cleanliness Week hawng tura ruahman a ni. Mamit District Level Cleanliness Committee Members te leh Mamit khawpui chhunga Childrens Sanitation Club atangin pahnih theuh sawm nise tih a ni bawk.

Cleanliness Week chhung hian VC hrang hrangte chu anmahni bial chhungah Covid-19 inkaihhruaina SOP zawm chungin an veng chhung hnatlanga tifai tura tih an ni a, hei bakah Fai intihsiakna (Swachhta Rankings), kumin chhunga intihsiakna kal mekah Mamit District-in lawmman kan lak ngei theih nana thahnemngai taka hnatlang thin turin VC leh khawtlang mipuite chu Committee hian a ngen nghal bawk. Week chhung hian veng chhunga chhungkaw tinte chu mahni in leh a vel tifai tur a tih an ni a. Mamit khawpui chhunga Sawrkar Office zawng zawngte chu an Office chhung leh Office Compound-te uluk taka tihfai nise tih a ni. Veng fai leh Office fai ber lawmman siam nise tih niin a endik turte ruat nghal an ni bawk.

Vawiin thutkhawmah hian District Level Committee on Cleanliness Members- te an tel tha hle a ni.