804/2026-2027

Dated Serchhip, the 2nd June 2026:  Vawiin khan District Level Committee on Green Mizoram,   Serchhip District  chu an Chairman, District bawrhsap Pu Paul L. Khuma hovin DC Meeting Hall-ah an thukhawm a, Green Mizoram Day, 2026 hman dan tur leh ṭul dangte rel hona neih a ni.

Kumin hian Green Mizoram Day Theme atan State Level Committee on Green Mizoram in alo rel tawh angin,  "Thing hi rangkachak anga hlu, Nunna tinreng bul a ni", tih hman a ni dawn a.

Green Mizoram Day Inaugural Function chu ni 11th June , 2026-ah DC Hall-ah neih tur niin hemi ni hian thing phun nghal tura rel a ni a. Thing ṭiak te chu Kikawn aṭanga Keiṭum inkarah phunin, heng thingphun te hi Sawrkar Department hrang hrangten in chan semin, a phun leh enkawlah pawh mawh an phur dawn a. He hunah hian kum danga tih ṭhin angin, Serchhip District huam chhunga kangmei ven kawnga hma la ṭha khua thlan chhuahte hnenah lawmman pek nghal tura rel a ni bawk.