545/2023-2024

Lunglei the 23rd May, 2023: Vawiin khan DC's Conference Hall, Lungleiah Pu Donny Lalruatsanga, Addl.Deputy Commissioner, Lunglei kaihhruaina in District Level Committee on Green Mizoram for Lunglei District 2023 chu thutkhawmna neiin 9th June,2023 a Green Mizoram Day hman dan tur rel a ni.

Pu PC. Lalchhandama, DFO leh Member Secretary, District Level Committee on Green Mizoram for Lunglei District 2023 ni bawk chuan June 9th hi Green Mizoram Day a ni a, State Level Committee in a rel angin thingphunna hmun tur hi lui kam tui tihpunna hmun ni thei se tih a ni a. District Level Committee chuan Lunglei to Haulawng kawng dungah a huhova thingphun bakah a remchan dan angin Tlawng hnarah thingphun tura rel a ni.

District Level Committee chuan Lungleiah Green Mizoram Day 2023 hman dan tur programme duangin , hawnna hun hi 9th June, 2023 dar 11 AM ah Pukpui Centenary Lunglei ah neih ni se, chairman ah Lunglei Deputy Commissioner ni se, khuallian atan Lunglei District chhunga MLA remchang sawm ni se, kum 2023 a kangmei veng tha khua te hnenah lawmman semna neih ni se tih rel a ni, kangmei veng tha khua pathum bakah consolation prize khua pathum dawng tura thlanchhuah ni se tih a ni bawk.

Nikum Green Mizoram Day khan Mizoram Polytechnic ah thing tiak 476 phun niin 80% vel a nung a, thing tiak 6856 mi hrang hrang leh pawl hrang hrang ah sem a ni. Kum 1999 atanga 2022 chhungin Green Mizoram Day ah thingtiak 13126 phun niin 50% a nung a, thingtiak 567443 mi hrang hrang leh pawl hrang hrang te hnenah sem a ni bawk.