Vawiin khan Kolasib DC Office Chamber ah District Level Committee on Implementation of Reading Mission 2022 chu Chairman Bawrhsap Pu Zoengsanga kaihhruaina hnuaiah an thukhawm.

Lehkhabu/lehkha chhiar tam tura infuihna Reading Mission hi PN Panicker (Father of Library Movement in Kerala) hriatreng nan kum 1996 atang tawh a Kerala Sawrkar lo kalpui tawhna zulzuiin Prime Minister Narendra Modi chuan National reading Day vawi 22 na leh Reading-Month chu June ni 17 2017 khan a hawng a, hemi ina a tum ber chu kum 2022 ah mihring Maktaduai 300 tal lehkhabu/lehkha chhiar uar tura zirtir/fuih hlawhtlin a ni a, lehkhabu/lehkha chhiar hi internet kaltlanga chhiar (digital reading) pawh a huam a ni.

Thutkhawm chuan Reading Mission duh dan zulzuiin lehkhabu/lehkha chhiar tam tura infuihna chu kawng hrang hranga hmalak nise, Kolasib District zawng zawnga sikul tin ah Education Department kaltlanga lehkha chhuah nise, hemi bakah hian Department hrang hrangah hun awl chu lehkhabu chhiar tam nana hmang tura ngenna leh khawtlang thil tihkhawmna hrang hrangah khawtlang hruaitute chuan lehkhabu chhiar tam tura infuihna thu sawi uar nise tiin a rel bawk.