Vawiin khan Rural Development Minister Pu Lalruatkima chuan Zawlnuam RD Block a tlawh a, staff te nen inkawmhona an hmang  a ni.

Minister Pu Lalruatkima chuan thu sawiin, Department hmalakna hrang hrangah hmasawn zawka kal theih dan tur ngaihtuahna hman zel a ni a, Rural Development hi mihring za-a sawmruk vel lai mai enkawltu a nih avangin a pawimawh em em a,  GSDP thlenga tidanglam thei tur a nih avangin  manmar reng a ngai a ni, tiin a sawi a. Rural Department hnuaiah eizawnna leh hmasawnna tam tak projects leh schemes chi hrang hrang a awm avangin, Rural Department a hnawthawktute chu  Department dang ai mahin rim zuala thawh a ngai tak zet a ni, a ti a. Minister chuan, hna reng reng a tloin a mha tur a ni a, a mawi bawk tur a ni, tiin staff-te a chah bawk a ni. Ni za inhlawhna hian kan work culture a tichhia ang tih a hlauhawm hle a, chutiang a thlen loh nan chuan fimkhur taka kalpui a ngai a ni, tiin a sawi bawk a ni. SEDP hnuaiah hmalakna zau zawkin kalpui man a ni dawn a, Zawlnuam chu Rua, Kuhva leh rubber mhat duhna area a nih angin rilru inkau takin hmasawn tura inpeih a pawimawh a, Sorkar scheme leh project hrang hrangte endik leh enfiah lama uluk lehzuala thawk turin staff-te a chah bawk. 

 He inkawmhona hun hi Pu Lalfakawma Chhakchhuak BDO-in a kaihruai a; Minister hian RD Block office hi a fang nghal bawk a ni.