1537/2026-2027

Saitual the 28th July, 2026: Vawiin khan DC Conference Room, Saitualah, District Level Committee on Pradhan Mantri Matsya Sampada Yojana (PMMSY) chu an chairperson, District Bawrhsap ni bawk, Pu Srinivas Sadi, kaihhruaiin an thu khawm a, kum 2026-2027 chhunga Saitual District atana PMMSY hnuaia Annual District Fisheries Plan chungchang an sawiho.

He hunah hian District Bawrhsap Pu Srinivas Sadi chuan thu a sawi a, PMMSY chu India Sawrkar Flagship scheme a ni tih sawiin, sangha khawitute hmasawnna atana hmalakna a ni, a ti. Bawrhsap chuan Annual District Fisheries Plan duan sa piah lamah Ṭamdil tih changtlun te, Sangha khawitute tan training leh awareness programme huaihawt te, Farmer Producing Organisation din te, District Programme Unit ruat te leh Data lakkhawm leh survey neih te Plan-ah telh tha a tih thu a sawi a ni.

Vawiin thutkhawm hi District Level Committee on PMMSY Chairperson & DC Pu Srinivas Sadi in a kai hruai a, District Level Committee on PMMSY Member Secy & DFDO, Pu F. Vanlalfela bakah District Level Committee on PMMSY Member te an tel a ni. Saitual District Annual Fisheries Plan hnuaia dilna lo lut te ngaihtuahho nghal a ni a, Committee chuan dilna awm sa pawmin hei bakah hian Action Plan siam belh an rel a ni.