1536/2026-2027

Lawngtlai, 28th July 2026: Vawiin khan Lawngtlai District Monitoring Commitee for Handholding (Bana Kaih) chuan an Chairman leh Bawrhsap nibawk Pu Donny Lalruatsanga kaihhruaiin a Office  Chamber-ah Review Meeting - an nei.

Pu Donny Lalruatsanga chuan Mizoram Sawrkarin a  ngaihpawimawh leh chak taka a kalpui mek  'Bana Kaih' tihlawhtling tura theihtawp chhuah mek zel a nih thu a sawi a. A bik takin 'Progress Partners' leh line department - ten mawhphurhna an nei lian hle a, a viltu  District Monitoring Committee - te pawhin mahni zawnah theihtawp chhuah pawimawh hle a ti. Phase - I hlawhtling taka kalpui a nih tawh thu tarlangin, Phase - II kalpui mekah Progress Partners - thlanfel tawhte chu hlawhtlinna chang ngei tura thawk tura chahin; Bank lam te pawh thahnemngaihpui turin a sawm a. A bik takin implementing department - te Progress Partners- vil kawngah tan lak thar turin a chah nghal bawk.

Thutkhawmah hian Line Department  atangin  'Bana Kaih' Phase - II kalpui tura ruahmanna leh Progress Partners- an neih ang angte  sawizauna an nei a. Phase-  I kalpuiah hmasawnna tur leh tan lak ngaihzualna tam tak a awm tih pawm tlangin, Phase - II ah chuan theihtawp chhuah ni se, line department - te pawhin mahni Progress Partners- uluk zawka  vil leh endik thin ni se an ti a. Bana Kaih kaltlanga 'Loan Interest' pek tur awmte, pek that tawk a nih loh thu ngaihthlak a ni a. Loan Interest - tha taka pek a nih theih nan District Monitoring Committee - ten theihtawp chhuah ni se an ti a ni. CM Special Package - bikah Progress Partners- te account a sum lut nghal thin chu Line Department - ah lut phawt se, heihian Progress Partners- te hnathawh  endik leh tha zawka hna an thawh theih an beisei thu ngaihthlak niin, thuneitu sang zawkah thlen ni se an ti bawk a ni.

Vawiin 'Lawngtlai District Monitoring Committee for Bana Kaih' thutkhawmah hian Member- te an tel kim tha hle a. Pu Donny Lalruatsanga Chairman, Lawngtlai District Monitoring Committee for Bana Kaih, chuan lawmthu sawiin hun a khar.