Vawiin chawhnu khan Pu J.Lalthafamkima, MPS, Superintendent of Police, Lunglei leh chairman ni bawk kaihhruaina in a office chamber ah a vawi khat na atan District Level Committee On Wildlife Crime Control thutkhawmna neih a ni.

Pu J.Lalthafamkima chuan he committee hi State sawrkar in a ruat a nih ang in thutkhawmna neih a ni a, Mizoram ah ramsa te a atlem zel loh nan a humhalhna kawng ah chak takin hma lak tum a nih thu a sawi. Hei vang hian Forest Department chauhvin humhalhna kawng ah hmalak a harsat avangin Police, BSF, Sub Hqrs YMA leh  Assam Riffles te nen thawhhona tha tak nen sa pel thin te ven theih a beisei thu a sawi.

Dr.C.Vidhyasagar, IFS, DFO Lunglei leh member secretary ni bawk pawhin thu sawi in Mizoram chhung a ram humhalh bik park, sanctuary leh YMA ram a sa pel tur leh ramsa kaphlum tute chu Wildlife Protection Act 1972 hmang in hrem theih a ni a ti. Ram humhalh pawn ah  buh leh bal, in leh lo ramsa lak an him lo a nih pawhin thuneitute phalna la hmasa lova ramsa kah hlum chu Dan ang a hrem theih a ni. Ramsa kap hlum hria kan awm chuan DFO emaw Forest Department hrilh hre turin mipuite a ngen a ni. Ramsa te humhalhna kawng ah mipuite hnen ah a tam thei ang ber  zirtirna pek nise tih a ni bawk.

He thutkhawmna ah hian Lunglei District chhung a DFO pathum aiawh te bak ah 1st Batallion BSF Melte, 1st Batallion Assam Riffles, Police leh Sub Hqrs YMA, Lunglei aiawh te an tel a ni.