Vawiin khan I&PR Conference Hall Kolasib ah National Achievement Survey (NAS) on Education Cycle 2 atana District Level Training chu Kolasib District tana buatsaih a ni.

Training kaihruaitu Pu R.Lalramhluna Dy.DPC, RMSA, Kolasib chuan NAS in a tum ber chu India ram puma District, State leh Ram puma zirna leh thiamna lama dinhmun diktak hriat chian a ni a, chumi avang chuan exam (NAS Exam) na hmun tur chu khawpui chhunga sikul te chauh thlang lovin khaw inkar kik tak tak te pawh thlan chhuah an ni a, chu chuan ram pum policy leh planning ah kori a tu dawn a ni a ti.

He training ah hian Pu George Zoramsanga leh Pu Lalremtluanga te’n Exam Centre a duty dan tur leh Exam Conduct dan tur chungchangah zirtirna an pe a, he NAS Exam ah hian Central atanga OMR Sheet buatsaih sa ah chhan tur ani a hei hi Central ah theluh leh tur niin Central lamin an endik (Evaluation) dawn a ni.

Ram puma zirna leh thiamna lama dinhmun diktak hriat chian nan hian National Achievement Survey (NAS) Exam chu buatsaih thin a ni a, Kolasib District ah hian a tum khatna (Cycle 1) chu kum 2015 khan neih a ni tawh a, hemi bakah hian Cycle 2 hnuai ah Primary leh Middle Sikul zirlai naupangte tan NAS Exam hi huaihawt alo ni tawh bawka, result pawh  a tha viau niin thudawn a ni a. Tum hnihna (cycle 2) hi Kolasib District chhunga Sikul hrang hrang thlanchhuah 20 a pawl 10 zirlai naupangten OMR sheet hmangin an chhang dawn a, Exam hi February ni 5 (Thawhtanni) a neih tura ruahman niin he exam buatsaih leh a kalpui dan tur chungchanga inzirtirna (training) chu heng Sikul hrang hrang 20 atang te hian kal tura beisei Zirtirtu 65 te chu an kal kim a ni.