No.5639/2020-2021

Mamit 1st, October, 2020 : Vawiin khan DC Conference Hall, Mamit- ah Dr. Lalrozama, IAS, Chairman, DLCM/ District Bawrhsap hovin Mamit District chhunga Van Dhan Mission kalpui dan tur chungchang ngaihtuahin District Level Coordination & Monitoring Committee (DLCM) thutkhawm a ni.

Meeting- ah hian Van Dhan Mission chu ramngaw hausakna Minor Forest Produce (MFP) chhawr tangkai thei tura thingtlang lo nei mite'n, an thil tharchhuah leh ramngaw hausakna hmanga eizawnna ngelghet an lo neih theihna tura Ministry of Tribal Affairs, Govt.of India leh Mizoram Sawrkarin 75 : 25% in tum sema Beneficiaries-te khaichhuahna tura kalpui tur niin, January 23, 2020 khan Govt. of India aiawh TRIFED ( Tribal Cooperative Marketing Development Federation of India Ltd) leh Govt. of Mizoram aiawh Commissioner/Secretary Cooperation Department te'n MoU (Memorandum of Understanding) ziah a lo nih tawh anga kalpui a nih dawn thu meeting-ah hian tarlan a ni.

Mamit District chhungah Van Dhan Mission hnuaiah hian Van Dhan Vikas Kendras (VDVK) paruk,

1. Reiek Multi Farming Cooperative Societies Ltd.
2. W. Phaileng Village Farming Cooperative Societies Ltd.
3.W. Phaileng LAMPS ( Large Area Multipurpose Societies Scheme) Cooperative Societies Ltd.
4. Darlak Integrated Fish Farming Cooperative Societies Ltd.
5. Tuidam Consumer Cooperative Societies Ltd.

6. Zawlnuam Consumer Cooperative Societies Ltd. te thlan chhuah an ni a. Heng VDVK parukte tanpuina tur hian khawl leina tur leh Farmers training-na tur bakah an hmanrua leina turin TRIFED atangin Implementing Agency, Assistant Registrar Cooperative Societies (ARCS), Mamit kaltlangin pek an ni dawn a ni.

TRIFED leh Cooperation Department Govt. of Mizoram te'n, thuthlung an lo ziah angin Minor Forest Produce (MFP) - 24 a tirah thlanchhuah niin heng MFP-ah hian Mininum Support Price (MSP) TRIFED-in a lo tlangzarh tawh angin Beneficiaries-te hian TRIFED hnenah emaw hmundangah an duhthlanna-in an hralh thei dawn a ni.

Vawiin Meeting-ah hian VDVK paruk-te tana khawl leina tur leh training-na atana senso tur estimate siam chu thlirho-a pawm a ni a. A khawl bun na tur ram a awm leh awmloh lo finfiaha lo enfiah turin ARCS, Mamit chu ruat nghal a ni.

Meting-ah hian District Level Coordination Monitoring Committee members an tel tha hle a, District chhunga VDVK aiawhte an tel bawk. a ni.