District Level Core Committee on Bru Repatriation and Rehabilation Committee chu vawiin khan Mamit-ah Pu R.S Lalzamliana District Bawrhsap hovin a Office Chamber-ah an thukhawm.

He thutkhawmna-ah hian Tripura Transit Camp a awm Brute Mizoram lo let duhte lo let lehna tura ruahmanna kal mek leh hmalak chhoh zel dan turte an thlirhova. Tun tumah hian chhungkua 330 let tura ruahmanna kalpui mek anih laiin chhungkua 96 Transit Camp pathum, Kaskau, Khangchangpara leh Hamsapara atangin finfiah tawh a ni. Committee chuan chhungkua 330 tling turin Transit Camp paruk atangin lo let duhte Verification chhunzawm leh ni se, March 21st, 2014 aia tlai lovah report thehlutin District Level Core Committee in thlirho leh ni se tih te rel a ni a, Hei bakah hian an awm duhna khua V.C te hemi kawngah hian harsatna a awm lohna turin lo biakfel ni bawk se tihte rel a ni.

Committee chuan MP Election hun puan anih tak avangin an lo kir hun tur chu State Level Core Committee kutah dah in MP thlan hma ngeia ruahmanna zawng zawng zawh fel vek ni se tih te rel a ni bawk.

He Meeting-ah hian Pu David H. Lalthangliana OSD, Home bakah District Level Core Committee on Bru Repatriation members te an tel tha hle a ni.