Vawiin khan Champhai Press Club-ah Champhai District MJA Annual Conference vawi 26-na hman a ni.
He Conference then thuma neihah hian Session hmasa-ah Vice President Pu ZD Dengliana kaihhruaina hnuaiah President Pu Lalhmingmawia Pachuau in President Address a nei a, Pawl hmalakna tlangpui tarlanna neih a ni.
He Conference rorel-ah hian Kum 2014-2015 chhunga Chanchinbu chawlh (holiday) neih turte bithliah fel nghal a ni a, Champhai District MJA a Member thar dilna ngaihtuah anih bakah Champhai District chhunga thuthar thehdarhna kawngah leh Advertisement chungchangah rualkhai taka thawhho dan ngaihtuah anih bakah MJA members’ sitting allowance chungchang pawh ngaihtuah a ni.
He Conference-ah hian Champhai District chhunga inbiak pawhna hnathawktu BSNL Company in BSNL service/facility tha zawk an neih theih nan Power Grid Corporation of India Tower hmanga Optical Fibre thlun nise an duhthu leh khawchhak tlangdung mipuiten inkal pawhna kawng tha zawk an neih theih nan Seling - Champhai road chu Double Lane National Highway a siam thuai an duh thu tarlangin, Indo-Myanmar Border Trade Point Zokhawthar chu a nih ang tura tihpuitlin nise an duh thu resolution an siam a ni.
He Conference-ah hian kum 2014-2016 chhunga Champhai District hruaitu thlanna neih a niin, tlaiah chawhlui kilho nghal a ni.
